NATIONAL NEWS– Nagdumara hin panibag-o nga panhaharass an barko han China Coast Guard (CCG) kontra ha Philippine Coast Guard (PCG) vessel ha baybayon hiton Zambales.
Ginpaangbit ni PCG spokesperson for the WPS Commodore Jay Tarriela, an usa nga video kun diin makikit-an an pagdudumara hin kadelikaduhan nga pagpapani-obra han CCG 3302 nga ginpugngan naman hiton BRP Cabra ngan an igbusay nga pagbungo hine ha kaluyo han radio challenge tikang ha PCG para dig-unan an iligal nga pagpapatroliya han Chinese vessel ha nasabi nga kadagatan.
Ha kaluyo hine, subay kan Comm. Tarriela, nahimo nga makalikay han BRP Cabra ngan napugngan an posible nga bungo-ay pinaagi han seamanship skills o pagigin beterano ha paglalayag ngan propesyunalismo han mga crew han BRP Cabra.
