TACLOBAN CITY – Manilampuson an gindumara nga Brigada Eskwela ngan Oplan Balik Eskwela Press Conference han buhatan hiton DepEd Leyte Division ha Brgy. Candahug, Palo, Leyte.
Sumala kan Karren Barril, Infromation Officer han DepEd Leyte Division, nga andam na an ira ahensya para ha pag-aabre hiton limited face to face classes yana nga school year, kun diin magtitikang ine yana nga Agusto 22,2022.
Dugang pa han mao nga opisyal, nga kalakip ha gindumara nga Brigada Eskwela ngan Oplan Balik Eskwela in an pira nga mga stakeholders kun diin nagpatapod an mga ine nga magigin kasugbong han DepEd Leyte nga magkamayda hin maupay nga turn-out an pag-aabre hitin klase.
Nanawagan naman ine ha mga karuyag pa nga humabol hiton enrollment in mag-hikay na han ira mga requirements, ngan dayon nga bumisita ha mga eskwelahan nga harani ha ira mga lugar.
