NATIONAL – Ginkansela han Bureau of Plant Industry (BPI) an import license ha LVM Grains Enterprises, usa nga Manila-based company.
Ini in mahuman nga daw magbuhat ini hin dire awtorisado nga pag-aangkat hin agricultural food products tikang ha Vietnam.
Ha ginpagawas nga kamanduan ni BPI Director Gerald Glenn Panganiban, ginbawi hini an tanan nga naisyu ha LVM an sanitary an phytosanitary import clearances.
Ha review nga iginbuhat han BPI ha eksplikar han LVM mahuman maisyuhan han show-cause order, dire nakumbinsi an ahensiya ha rason han kompanya nga mag-angkat han bugas, kape, ngan kasoy tikang ha Vietnam ngan naka-consign ha LVM han waray import clearance.
Nagawas gihapon ha records han ahensya nga may mga ginbuhat na gihapon hadto an kompanya nga dire pagsunod ha requirements.
Gintagan doon han BPI nga an bisan ano man nga importation han mga tanom, planting materials ngan plant products in kinahanglan may import clearance kaupod an phytosanitary certificate nga ginisyu tikang ha gintikangan nga nasud.
Panuyuan hini nga masigurado an shipment in natalapas ha phytosanitary requirements nga nakatalaan han ahensiya agud masiguro na gihapon an katalwasa tikang ha mga exotic nga peste.
