TACLOBAN CITY- Ginpanhimuwa han Bureau of Fire Protection BFP- region 8, nga waray may nadismayo nga nahitabo kasumpay ha mga trainee nga gindalagan ha ospital han nakalabay nga adlaw.
Sumala kan, Chief Inspector, Jenniffer Tolosa,Medical Fire Officer han BFP-8, gintagan hine hin klaro nga sayop an nagsasarang nga impormasyon kasumpay ha mao nga panhitabo.
Dugang pa han mao nga opsiyal nga han adlaw hiton Domingo, 3 ka-adlaw han ira training in mayda na pipira nga mga BFP trainee nga nag-rereklamo kasumpay ha ira naabat nga muscle pain.
Ha mao nga reklamo in dayon naman ine nga gin-aksyunan han ira naka-stanby nga emergency medical service, matungod nga adlaw-adlaw gihapon an mga ine nga ginmomonitor an ira urine o ihi, may mga panhitabo mangud nga nagkakamayda hin dehydration an usa nga recruit.
Ha mao nga monitoring ha ira ihi in may nakitaan ine nga problema, sanglit nga ginmaupay nala han mga ine nga dad-on ha ospital an nasabi nga mga BFP-trainee kun diin maabot ine ngatanan ha 7 kabug-os.
Subay ha ginpagawas nga resulta han doktor ha ira nagin diagnosis han mga recruit, nga nagkamayda an mga ine hin ‘acute kidney injury from rhabdomyolysis from extraneous physical exercise.
Hapagkyana naman in nagpakagawas na ha magkalain nga ospital dinhe ha syudad an nasabi nga mga trainee kun diin padayon an mga ine nga ginmomonitor.
