TACLOBAN CITY- Nagpapadayon la guihapon an mahugot na monitoring han Bureau of Fisheries and Aquatic Resources (BFAR) Regional Office 8 ha mga kadagatan ha Sinirangan Bisayas na kontamindo hin red tide.
Sumala kan Nancy Dayap han BFAR Regional Office 8 na kada semara hira nagbubuhat hin sampling han mga pangtion na tikang ha magkadirudilain na parte han Rehiyon agud masiguro kun talwas ba o diri an pagkakaunon na mga shellfish sugad nala han tahong.
Dugang pa ni Dayap na basi ha pinakaurhi na laboratory results in nasipatan gud na positibo ha red tide an kadagatan ha bug-os na probinsya han Biliran.
Guinsasagdunan guihapon hini an publiko na diri manguha, magbaligya, magluto ngan kumaon hin mga pangtion sugad nala han tahong, tulya, alamang ngan iba pa na klasi hin mga pagkaon ha kadagatan.
Guinmalatumat liwat na Dayap na kalakip ha mga kontaminado hin red tide toxin an Irong-Irong Bay ha Western Samar; coastal waters han Leyte ngan Carigara Bay ha probinsya han Leyte.
An kaparte han pamahayag ni Nancy Dayap han Bureau of Fisheries and Aquatic Resources (BFAR)Regional Office 8
Manunumduman na damo na an nagkamatay ha magkadiudilain na parte han Sinirangan Bisayas mahuman nga nakakaon hin pangtion ngan tahong na kontaminado han red tide.
