-- Advertisements --
TACLOBAN CITY – Nagpagawas hin bag-o nga Red Tide Advisory an Bureau of Fisheries and Aquatic Resources (BFAR) Regional Office 8.
Sumala kan Christine Gresola, Officer-in-Charge ngan Information Officer han Bureau of Fisheries and Aquatic Resources (BFAR) Regional Office 8, gindidire la anay an pagkuha, pagpalit ngan pagkaon hin mga pangtion tikang ha Matarinao Bay tungod han pagpositibo hini ha red tide toxins.
An Matarinao Bay in gin kukumpusar han General MacArthur, Hernani, Quinapondan, ngan Salcedo, Eastern Samar.
Mahugot naman nga ginbabantayan han BFAR an Guiuan Eastern Samar tungod han posibilidad nga magpositibo gihapon ini ha red tide.
