NATIONAL – Eksakto alas-5:49 han kulop kakulop, Hunyo 23, han pormal nga makarawat han Senate impeachment court an answer ad cautelam o baton ni Vice President Sara Duterte kasumpay ha gin isyu nga writ of summon ha iya.
Gin padara an dokumento ha messenger nga hi Arnel Barrientos Jr han Fortun, Narvasa, & Salazar, an law firm nga magre-representa kan VP Sara ha pagdungog.
Unom nga madakmol nga kopya an ginpadara ha clerk of court o ha opisina ni Senate Secretary Renato Bantug Jr.
Ada ha 35 pages an sulod han kopya han baton ni VP Sara ha writ of summons.
Ha answer ad cautelam, nakasurat didto an void ab initio o void from the beginning, kun diin karuyag han kampo ni Duterte nga igpa-dismiss an kaso.
Syahan hine, gintagan hi Duterte hin non-extendible period nga napulo kaadlaw agud magpasa han iya baton tikang ha oras han pagkarawat han writ of summons ngan kopya han reklamo, subay ha Article 7 han impeachment rules.
Nakarawat han opisina ni VP Sara an kopya dida han Hunyo 11.
Tatagan naman hin kopya hi Senate President Francis “Chiz” Escudero, hi Impeachment Court Spokesperson Atty. Reginald Tongol, ngan malibot ha ngatanan han senador.
