ODD NEWS– Usa nga teenager ha Arizona USA an naghuman hin doctoral degree ha edad nga 17- anyos.
Han tuig 2016, nagtikang nga sumulod ha kolehiyo hi Dorothy Jean Tillman II, para ha iya Associate’s degree ha Psychology ha edad nga 8-anyos. Han mahuman niya an two-year course, kumuha naman hiya hin Bachelor’s degree ha kurso nga Humanities ha Excelsior College ha New York.
Han maka-graduate sa edad na 10-anyos, gintikang naman niya an Masteral degree ha Environmental Science and Sustainable Engineering ha Unity College ngan naghuman ine ha edad nga 14-anyos.
Mahuman nga makuha niya an Masteral degree, gintindog hine an Dorothy Jeanius STEAM Leadership Institute nga nabulig ngan nag-aaghat ha ginatos-gatos nga kabataan nga igpadayon an pagkuha han STEAM (science, technology, engineering, arts and mathematics) careers.
Samtang, nalilibang an iya STEAM camp startup, nagdisisyon hi Dorothy nga igpadayon ha Arizona State University an iya doctorate degree ha Behavioral Health Management Program.
Mahuman an duha katuig, nahuman ine niya ngan nakaghimo hin historya ha Arizona State University kumo youngest doctoral degree holder ha edad nga 17-anyos.
