-- Advertisements --
TACLOBAN CITY – Balor 4 milliones pesos hin coccaine an napurutan ha usa nga beach resort ha Barangay Sulangan, Guiuan, Eastern Samar.
Una hini, usa na caretaker nga hi Jerome Balbuena an nakadiskubre han guinkakapausahan hini nga putos ha kabaybayunan nga parte han beach resort.
Dagmit na guinpahibaro ini ha Guiuan Municipal Police Station ngan dayon naman na guindara an napurutan na putos ha Regional Crime Laboratory (RCLO 8) kun diin guinpailarom ha chemical examination.
Mahitungod hini, nakumpirma han mga otoridad na coccaine an sulod han mao na putos.
Maabot naman ha lima kakilos an kabug-aton han mao na kontrabando kun diin padayon pa na guinpapanginano han mga otoridad kun hin-o an nagtatag-iya hini.
