INTERNATIONAL – Nakatabok na an bagyong Wipha, nga anay bagyong Crising, ha Norte nga baybayon han Vietnam kanina han aga, nga nagdara hin makusog nga uran nga posible magdurot hin baha ngan landslide.
Subay ha national weather forecast agency, aada ha 60 kilometros tikang ha syudad han Haiphong an bagyo, nga may dara nga hangin nga naabot ha 102 km/h ngan nagi-os tipakadto ha kanluran ha dagmit nga 15 km/h.
Ginbabanabana nga ma-landfall ini ha mga probinsya han Hung Yen ngan Ninh Binh yana nga gab-i ngan mahinay kumo low-pressure area.
Samtang, waray naman nahipatik nga danyos o namatay mahitungod ha nasabi nga bagyo.
Ha kaluyo hini, sobra 350,000 nga kasundalohan an naka-istandby ngan ginkanselar na an pira nga biyahe ha mga airport, tren, ngan pantalan.
Kun manunumduman nga han nakalabay nga tuig, na-igo gihapon an Vietnam han bagyong Yagi kun diin purluminos 300 ka-tawo an nagkamatay ngan nagdurot hin 3.3 bilyones dolyares nga danyos.
