ODD NEWS– Usa nga babayi an ginkokonsidera nga brain-dead, samtang ginpapabilin nga buhi an baby ha iya tiyan, alinsunod ha ira balaod nga bawal an aborsyon ha Georgia, USA.
An nasabi nga babayi in talwas nga nakapanganak hin usa nga premature nga baby, ugsa nga dayon tangalon an life support hine.
Ginkilala ine kan Adriana Smith, 30-anyos, usa nga rehistrado nga nurse, nga naka-abat hin duro nga pagsinakit hiton ulo, samtang hiya in siyam kabulan na nga burod han nakalabay nga Pebrero.
Nabaruan nga mayda blood clot an utok hine ngan deayon nga gindeklara nga brain-dead.
Mababaruan, an nasud Georgia in mayda balaod nga nagbabawal ha aborsyon tikang ha 6 kabulan nga pagbuburod.
Dayon naman nga nagdumara an mga doktor hin procedure ha kaluyo hiton kondisyon ni Smith agud nga dire makatalapas ha nasabi nga balaod.
Ngan han nakalabay la nga Hunyo 13, iginpanganak pinaagi han emergency Cesarean section an anak ni Smith, usa nga baby boy, ngan ginngaranan ine nga Chance, ngan mayda ine timbang nga 1 pound ngan 13 ounces.
