ODD NEWS – Mismo an mga doktor in nahipausa an nagin kondisyon han babaye nga hi Jean Hilliard.
Nabaruan nga hi Jean nahidabi ha usa nga car accident ha usa nga sub-zero nga temperatura.
Tungod han iya paniguro hin pangaro hin bulig in napiritan ini nga gumawas ha iya sarakyan ngan mangaro hin bulig.
Ginlakat ni Jean an maabot 2 ka milya pakadto ha balay han iya panimalay bisan pa naghaharagkot.
Pero 5 ka metros tikang ha panimalay han iya sangkay in nakit-an nga natikig hi Jean nga mayda -22° nga temperatura.
Sumala han mga doktor nga posible nga unom na ini ka oras nga natikig ha gawas.
Ha pag abot ini ha hospital in aminado an mga doktor nga duro ini nakurian labi pa nga sobra ka hamubo an temperatura hini ngan diri na narerehistro ha thermometer.
Nakurian liwat an mga doktor magdumara hin Hypodermic needle hilabi pa nga makuri matusok an iya panit.
Ha usa liwat nga punto in naabot la ha 12 beat per minute an putok han iya kasing-kasing.
Nakag ideya naman an mga doktor nga putson hi Jean gamit an electric blanket o de kuryente nga taklap agud nga nadefrost ini.
Ngan mahuman naman an 49 diyas o haros usa hin tunga ka bulan nga natikig ngan haros waray kinabuhi in maswerte nga nakarevive hi Jean nga waray pa brain damage.
