NATIONAL – Ginsagdunan ngan may ayat hi Batangas Rep. Gerville Luistro hi Vice Pres. Sara Duterte nga limpyohan anay an ngaran hini ha impeachment court kun desidido ha plano nga dumalagan ha 2028 presidential elections.
Ini in mahuman nga makakarawat hi VP Sara hin makusog nga suporta ha mga botante partikular na ha Mindanao Region.
Hi Luistro, anay Batangas prosecutor, in usa ha mga miyembro han prosecution team han Kamara ha impeachment trial ni VP Sara ha Senado.
Sumala kan Luistro, kinahanglan kuhaon ini ni VP Sara nga oportunidad an impeachment agud malimpyohan an iya ngaran ngan ig-eksplikar an kuwestiyonable nga paggastos han P612.5M confidential fund ha ilarum han Office of the Vice President ngan magin dida han sekretarya pa ini han DepEd.
Ginpahayag ni Luistro nga usa gihapon nga kinahanglan tagan hin kabatunan an daw diri sakto nga paggastos ha confidential fund, betrayal of public trust ngan payola envelope ha DepEd ngan iba pa nga mga seryoso nga alegasyon nga kutob yana in diri pa maeksplikar ni VP Sara.
