Dire kampante hi anay dating presidential spokesman Atty. Harry Roque nga kakarawton han Marcos administration hi anay Presidente Rodrigo Duterte ha oras nga tugutan an ira interim release.
Ine in mahuman nga hangyuon han defense counsel han anay presidente nga hi Nicholas Kaufman ha Marcos administration nga tugutan an anay presidente nga makauli na ha nasud ha oras nga tumugot an International Criminal Court (ICC) ha iya hangyo mahitungod han nagtitikaduro nga kabutang han panlawas hine mahitungod na gihapon ha edad hine.
Ha usa nga live video broadcast, gin kwestyon ni Atty, Roque kun hain nahugot hin kumpyansa an lead counsel han anay Presidente nga kaya hine maaghat an mga Marcos agud dinhi ha Pilipinas dad-on an anag presidente ha bisa han interim release.
Nasisigurado daw ni Roque nga mayda aaruon nga kabalyo in kaso nga karawton han Marcoses an anay presidente, ngan ine in an pagretiro han bug-os nga angkan han mga Duterte ha politiko, butang nga dire daw unta mahitabo.
