TACLOBAN CITY – Nagpapadayon pa an ginbubuhat nga assessment ha pankabug-usan nga danyos ha mga eskwelahan ha Sinirangan Bisayas nga naapektaran han nakalabay nga Bagyong Kristine.
Sumala kan Department of Education 8 Information Officer, Jasmine Francisco Calzita, nga ha pagkayana in ira pa ginpi-pinalisa an ira datos han mga eskwelahan nga duro nga naapektaran han mao nga bagyo partikular na an aada ha Northern Samar.
Gina-assess pa gihapon nira an kabug-usan nga danyos han mga ini ngan sugad man an ihap han mga naapektaran nga estudyante ngan mga school staffs.
Sumala pa kan Calzita nga waray naman hira nakarawat report nga totally damage nga mga eskwelahan o klasrum pero kadam-an han mga ini in nabahaan rason han pagkaruba liwat han mga libro ngan iba pa nga learning ngan teaching materials nga dire na magagamitan.
Ginmalatumat naman han opisyal nga mayda pa pipira nga mga eskwelahan ha Northern Samar an dire pa nakakagbalik hiton klase mahitungod nga ginbabaha pa iton mga klasrum ngan dako pa iton lirimpyohon ngan araydon.
Samtang, gindoon naman hini nga ira tatalingohaon nga dayon nga makakabalik an mga eskwelahan nga naapektaran han bagyo agud naman makalanat an mga estudyante ha ira pag-aram ngan pangeskwela.
