TACLOBAN CITY – Ginpaangbit han Tacloban City Police Office TCPO nga nagin manilampuson an nagin assesment para han Balik Ekswela han nakalabay nga ika-22 han nakalabay nga bulan.
Sumala kan PMAJ. Marjorie Manuta, Information Officer han TCPO, nga ugsa paman magtikang an face to face classes han nakalabay nga bulan han Agusto in mayda na an ira han-ay nagpaka pwesto nga mga tinaglawas han kapulisan ha tagsa-tagsa mga eskwelahan ha syudad.
Dugang pa han mao nga opisyal, nagkamayada gihapon hira hin series of activities kun diin pira nga mga tinaglawas han kapulisan in bumulig ha gindumara nga Brigada Eskwela ha mga eskwelahan kun diin required an mga ine magmugna para magin ma-anyag an gagamiton nga mga classrooms ngan talwas an mga kabataan tikang ha mga sakit nga pwede makuha han mga ine ha kalibungan.
Mababaruan, nga nagtikang an face to face classes han nakalabay nga bulan han Agusto mahuman an duha katuig nga pagsuspender hine matungod han COVID-19 pandemic.
