TACLOBAN CITY – Padayon nga natukdaw an organisasyon nga guintukod han mga drug surrenderres ha Calbiga, Samar.
Guinmalatumat ni Jerome Cafe nga maabot na ha duha katuig an guin aapihan nga organisasyon nga guintatawag nga Calbiga Susugpo sa Droga (CASODA).
Guinpahayag pa ni Cafe nga guintukod ini nga grupo tikang dida han lumingkod ha pweso hi Presidente Rodrigo Roa Duterte ha panuyo nga maibalhin ha iba nga butang an huna-huna han mga drug surrenderees nga residente han Calbiga.
Guintaltag liwat hini nga nakaghimo na hin pakabuhi an mga miymbero han CASODA sugad nala han fishpond, paghimo hin sooy, pagtanom hin mga utanon ngan damo pa nga iba.
Dugang pa hini nga guinsusuportahan han gobyerno an ira grupo para diri na utro nga ma- engganyo ha paggamit han illegal nga droga ngan hul-os na mga magbag-o hin kinabuhi.
