TACLOBAN CITY– Ginpahayag han Departament of Agriculture Region 8 nga diri kinahanglan ikabaraka an African Swine fever (ASF) han publiko yana nga holiday season kaluyo han pag sarang ha Social Media nga mayda ASF an mga baboy ha Eastern Visayas.
Sumala kan Dr. Vencie R. Pantonino Veterirarian II – Department of Agriculture 8 waray pa may naitala nga kaso hin ASF yana nga December 2025.
Pero, basi naman ha bag-o nga update in may information hira nga na receive ha area han General MacArthur Eastern Samar nga kundiin may mga baboy nga namatay ngan Ini daw in kikitaon pa nira.
Nagpagawas naman dayon an LGU han General MacArthur hin Executive Order No. 65, Series of 2025 dida han December 9, 2025 nga pagdidiri hin pag pagawas ngan papasakob hin mga baboy ha Ira lugar sumala kan Mayor Joel D. Baldo.
Kilala han Publiko an ASF o African Swine Fever nga nakikita ha mga Baboy.
Una nga nakikita nga sintomas han baboy kun ini mayda ASF in hataas an hiranat, depression, may mga pula ha bug-os nga lawas ngan pagtatae hin pula na dugo.
Mando naman han D.A nga kinahanglan makipag coordinate anay an publiko ha veterinary bago mag katay hin baboy labi na kun aada ha suspended cases an Ira lugar.
Ha pagkayana in waray naman kinahanglan nga ikabaraka an consumers tungod na naka bantay an D.A ngan iba pa nga agency yana nga holidy season para makasiguro nga magiging safety an kakaunon han Publiko yana nga Holidy season.
via | Bombo Jake Paguipo
