Nanawagan hi Senator Rodante Marcoleta ha gobyerno nga manduhan o obligahon an mga kumpanya han lana nga mag-refund ha mga kustomer kun mapapamatud-an nga mayda pagmamanipula ha mga presyo han produkto nga petrolyo.
Iginduon ni Marcoleta nga maabot ha P3 billion an ginkikita han usa nga oil firm ha usa kaadlaw mahitungod nga iginpatong an replacement cost hin timprano bisan pa stock an suplay han mga produkto nga petrolyo ugsa pa magakamay-ada hin kasamok ha Middle East.
Ginmalatumat han Senador nga an pagre-refund ha mga kunsumidor an pinakapraktikal ngan pinakaresonable nga paagi agud batunon an nagin sobra-sobra nga sukot ha mga motorista.
Labot pa hini, waray gihapon may bumaribad han igpahayag hini nga sugad kadako an mga nahahalin han mga kumpanya bisan kun waray pa umabot an nga bag-o nga suplay han krudo nga posibe mangaruyag-sidngon han pag-amin nga tinuod an impormasyon.
Agud mailatag hin maupay an mga iya iginbuyagyag in gin aghat ni Marcoleta an Joint Congressional Energy Commission (JCEC) nga hilngon ini ngan obligahon an mga oil companies nga abrihan an ira mga rekord ngan mag-eksplikar ha ginbuhat nga pag-umento ha presyo, duha kasemana tikang han maglaran an kasamok ha Middle East.
