Iginpahayag ni U.S. President Donald Trump nga daw tumugot an Iran nga dire igdayon an pagbitay ha walo nga babaye nga releyista mahuman niya nga hangyuon ngan respeto nala daw ha iya kumo Presidente han Estados Unidos.
Sumala kan Trump, upat ha mga kababayen-an in pagagawson dayun samtang upat naman an mapi-reso hin usa kabulan.
Gintawag niya ini nga “Very good news” ngan iginduon nga mahitungod ha iya hangyo sanglit waray kadayon an plano nga pagbitay.
Sugadman, ginpanhimuwa naman han mga otoridad ha Iran an pahayag ni Trump.
Subay ha Iranian judiciary news agency nga Mizan News Agency, waray nakatalaan nga plano nga pagbitay ha nasabi nga kababayen-an ngan ginmalatumat han mga ini nga himo-himo la ini han Amerika.
Duon pa han Iran, ginagamit la ni Trump an isyu agud magpasikat ngan igin likay an atensyon tikang ha mga istoryahon ha kasamok ngan tensyon ha rehiyon, kaupod an isyu ha Strait of Hormuz.
Subay han Iran, mayda pira nga ihap han mga kababayen-an nga gin aresto an nakagawas na, samtang an iba naman in naaatubang ha kaso nga posible magresulta ha pagkakapreso pero dire ha sirot nga kamatayon.
Waray pa opisyal nga pahayag tikang ha White House ngan Iranian Foreign Ministry kasumpay han isyu.
