Iglulunsar han Department of Education (DepEd) an usa nga artificial intelligence (AI)-assisted system nga panuyo ibanan an administrative workload han mga magturutdo.
Kaupod ha target nga ig-automate an panginano han nutritional status han mga istudyante agud mapadagmit an pagkha han datos ngan mas mapahusay an accuracy han mga resulta.
Subau ha DepEd, panuyo han AI-enabaled solution nga himuon nga mas madagmit an pagtudlok ha kabutang han mga istudyante nga mas sakto an pagproseso han impormasyon.
Ha ilarom han programa nga ginbug-os han Education Center for AI Research (ECAIR), magamit hin mobile phone-assisted tool nga makakabulig ha mga magturutdo agud suklon an kahitaas ngan Body Mass Index (BMI) han mga istudyante.
Gamit an magkadiru-dilain nga AI frameworks sugad han computer visions, mahihimo hini nga magdumara hin nutritional classification subay ha standard han World Health Organization (WHO), nga mag-iiban ha mano-mano nga pagsukol ngan encoding.
Sumala kan Dr. Erika Fille Legara han ECAIR, makakabulig ini ha timprano nga pagtudlok ha mga kabataan nga posible magkamay-ada hin stunting o underweight conditions gamit la an litrato tikang ha mobile phone, hin dire na kinahanglan hin specialized equipment.
