INTERNATIONAL–Namatay an Armed Forces chief of staff nga hi Abdolrahim Mousavi, upod an pira ka mga hitaas nga opisyales han militar mahuman han pag-atake han United States ngan Israel kontra han Iran.
Basar ha ginpagawas nga listahan han state TV, kalakip ha mga ginaalegar nga namatay kay hira Defense Minister Aziz Nasirzadeh, Revolutionary Guards chief, Mohammad Pakpour, ngan defense head Ali Shamkhani.
Sumala ha report, nahitabo an mga strike samtang nagbubuhat hin “defense council meeting” kontra ha pag-aatke han US ngan Israel.
Samtang, ha lain nga airstrike in namatay gihapon an Police Intelligence chief han Iran nga hi Gholamreza Rezaian.
Kasunod hine, naglunsar an Iran hin bag-o nga bugso hin missile ngan drone attacks nga natarget ha mga military bases han US ha rehiyon ngan ha Israel kun diin ginaalegar nga usa nga pitad kumo pagbulos ha mahaluag nga pag-atake han duha nga nasud nga ginaalegar nga ginkamatay han supreme leader.
Kalakip ha mga gintarget kay an 27 ka bases han US ha rehiyon, sugad gihapon an military headquarters han Israel ngan usa nga defense industries complex ha Tel Aviv.
