-- Advertisements --
Upat nga nurse nga naigo han Ebola virus an naupay ngan na-discharge na tikang ha opsital ha Bunia, Democratic Republic of Congo, sumala ha World Health Organization.
Kaupod nira an usa nga laboratory worker nga nauna na nga naupay, sanglit umabot na ha lima katawo an nakarekober tikang ha Sakit. Sumala ha WHO, ginlalauman pa an mas damo nga mauupay, labi na mahugot iton diagnosis ngan kun dayon ini nga natatambal.
Ha kaluyo naman hini, padayon an paghitaas han kaso ha nasud nga umabot na ha 282 confirmed infections ngan 42 deaths, mahuman madugngan hin 19 nga bag-o nga positibo nga kaso.
Gindeklara naman han WHO an outbreak kumo usa nga public health emergency of international concern, pero ginklaro nga dire ini pandemya.
