TACLOBAN CITY – Arestado ha pagkayana an usa nga negosyante ngan anay Sangguniang Bayan member
mahuman ini nga makuhaan hin ilegal nga de kalibre nga pusil ha mismo balay hini ha Albuera, Leyte.
Subay ha iginpagawas nga report han Criminal Investigation and Detection Group (CIDG-8), nga ginkilala an suspek nga hi Sergio Batistis Jr., 46 anyos an pangidaron ngan residente han mao nga lugar.
Kaupod ha mga nakompiska ha mao nga suspek an usa nga M16, Caliber 9mm, shotgun, imporvised revolver ngan pira nga mga live mmunitions.
Arestado gihapon an kaupod ni Batistis nga hi Mario Del Rosario Simugan.
Ha pagkayana, in paslak na ha presuhan an dati nga SB member ngan naatubang na ha kaso nga pagtalapas han RA 10590 o kaso nga may kalabutan ha Illegal Possession of Firearms.
Mahinunumduman nga hi Batistis in naging Konsehal gihapon han tuig 2013 pero gintanggal ini ha serbisyo mahitungod han kaso nga pagbabaligya hin peke nga certificates ha Philippine Councilor’s League (PCL) han tuig 2015 ha syudad han Davao.
