ODD NEWS- Ginpro-porblema yana han mga otoridad an sunod-sunod nga sightings ngan pagkakadakop han monster fish o an alligator gar ha mainland China.
An pagkakadakop ha mga isda nga baga-baga hiton buwaya an histura ngan kasunod han pagmamara han mga sapa ha mao nga nasod.
Mababaruan nga umabot hin walo nga probinsya na ha China an mayda monster fish invasion.
An mao nga freshwater fish nga mayda razor-sharp teeth in posible nga dumako ngada 3 ka-metro an kahilaba.
Ine in native tikang ha North ngan Central Amerika, ngan 100 milyon katuig na an nakakalabay.
Han nakalabay nga semana, in us aka 8 ka-kilo nga monster fish an nadakop ha usa nga sapa ha Shanghai ngan umabot an kahilaba hine ha haros usa ka metro.
Ha Ruzhou City, Henan province, naman in gintuyo nga pamadhom an sapa ha lugar agud nga madakop an mao nga isda.
An pagdamo han mga ine an ginkakabaraka han nasod China matungod nga posible nga maraot an maidurot hine ha ecological disaster.
