Usa nga kakaiba nga delicacy yana ha Japan an karne han bluefin tuna nga gintuyo pagpamara ngan gintiklopan hin madakmol ngan mabarahibo nga amag ugsa kaonon.
Kun kikitaon an usa nga piraso han tuna nga gin-istak hin upat ka-semana, baga-baga ini hin usa nga mabarahibo nga hayop mahitungod ha kadakmol ngan mahumok nga natirok nga Koji mold.
Bisan man nakakawaray gana ha pira an presensya han amag, usa ini nga importante nga sakot nga naghahatag ha bluefin tuna hin kakaiba nga rasa.
Ha ilarum mangud han barahibo han amag, ginpapahumok hini an enzyme an protina ngan tambok han isda. Mahitungod ha sugad nga proseso, nagigin mahumok hin duro an isda nga baga-bagan natutunaw ini kun ginkakaon na.
Para naman ha mga nag-aalang kumaon han amag, dire ini angay igkabaraka. Gingugunting ngan gintatanggal han mga chef an gawas nga parte hini, sanglit an puro nga mahumok nga tuna nala an nabibilin nga ginsisirbi naman nga hilaw kumo sashimi o sushi.
