Kilala an China ha mga kakaiba ngan nakakabilib nga disenyo han mga establisyemento—tikang ha korte han beehive nga akos ukyan han sobra 20,000 katawo, kutob ha mga building nga gin aagian mismo han tren ha sulod hini, o ha mga nakatukod ha butnga han mga tulay. Pero tarihas ha hibaro han kadam-am, makikit-an gihapon dinhi an usa nga sikat nga apartment building nga ka-korte han pyramid.
Makikit-an ha Huaqiao district ha Kunshan, an nasabi nga buikding nga mas kilala kumo “Pyramid of Kunshan” in usa ha mga pinakasikita nga apartment buidling ha China. Nahuman ini igtindog dida han 2013 ngan tikang hadto, nagin usa na ha mga pangunahon nga atraksyon para ha mga turista ha nasabi nga syudad.
Dire kaparehas han mga tinuod nga pyramid ha Egypt, an 18-kapalapag nga Pyramid of Kunshan in mayda duha nga patindog nga pader ha gawas, samtang an duha naman nga nasasalin ha ligid hini in nakahigda o slanted. An mga apartment dinhi in tipaubos ngan naka-anggulo hin 45-degrees, nga naghihimo hin usa nga nakakabilin nga kiritaon.
Subay ha Masters’ Architectural Office, an kompanya nga nagdisenyo han proyekto, kumuha hira hin inspirasyon tikang ha mga tradisyunal nga terraced rice fields o hagdan-hagdan nga umhanan han China.
