TACLOBAN CITY–Ginmalatumat ni Tacloban City Mayor Alfred Romualdez nga target pa nga madugangan an load capacity limit han San Juanico Bridge ha 35-33 tons.
Ine an iya nagin pamahayag ha natabo nga dry run kakulop nga adlaw kun diin gintugutan na nga makatabok ha nasabi na tulay an kabug-aton nga 15 tons nga mga sarakyan.
Nagpahinumdom naman ine a mga matabok nga siguraduhon nga dire malahos ha load limit capacity an ira kabug-at agud nga dire an mga pabalikon.
Dugang pa han alklade, pananglitan naman nga may makit-an hira nga problema in utro nga igpapatuman an 3 tons capacity load limit nga matabok ha tulay para hiton katalwasan han ngatanan.
Nanawagan naman ine hin bulig ngan kooperasyon ha mga pribado nga sector nga sundon an mga aludayday han nasabi nga tulay.
