NATIONAL – Posible nga ha Southeast Asian region nga ‘Golden Triangle’ an urhi nga destinasyon han gintanggal nga hi anay Bamban Mayor Alice Guo, sumala kan Presidential Anti-Organized Crime Commission (PAOCC) spokesperson Winston Casio.
An Golden Triangle in special economic zone nga makikit-an ha mga borders han Laos, Myanmar, ngan Thailand nga notoryos ha illegal ngan criminal activities.
Ha usa nga presscon, ginpahayag han PAOCC official nga mayda business o gambling interest ha Cambodia an pamilya ni Guo sanglit ine daw an pinaka-talwas nga pwede kadtuan ni Guo.
Parte daw gihapon han dako nga grupo han mga sindikato an pamilya ni Guo nga gintatawag nga Fujian Gang nga kaparte han Golden Triangle triad.
Samtang, gin amin gihapon ni Guo nga magigin makuri na para arestuhon hi Guo ha oras nga maka-abot ine ha Golden Triangle mahitungod nga mayda kasamok didto.
Ha pagkayana in ginhuhulat pa han mga otoridad ha Pilipinas nga mag-isyu hin arrest warrant an Department of Justice kontra kan Guo para mai-coordinate ha International Criminal Police Organization (Interpol) agud makag-isyu ine hin red notice.
