Aminado an Filipina tennis superstar nga hi Alex Eala nga damo pa an iya kakaunon ugsa makasabay ha mga pinakamagkarit nga player ha kalibutan han tennis mahuman an iya 6-0,6-2 nga kaperdihan kan Coco Gauff ha quarterfinals han Dubai Duty Free Tennis Championships.
Subay ha report, magkakamay-ada ini hin damo nga higayon nga hag-iron an iya kapas ha tinuod nga mulay, mahitungod nga ginlalauman nga tatagan hiya hin wild card ha pira nga tournament kun diin hiya automatic qualifier ha main draw.
Mahitungod ha kadamo han mga Filipino fans nga nagkita ha iya mulay, bumug-os an organizers hin iskedyul agud mas maibutang ini ha center court—usa nga pitad nga gintikangan pa dida han Australian Open mahuman nga ma-criticize an venue han iya singles match.
Hi Eala, co-winner han Philippine Sportswriters Association Athlete of the Year kaupod hi gymnast Carlos Yulo, in nakagpuno han mga venue han torneo, rason agud igkonsidera han mga organizers an paghahatag ha iya hin direct entry ha pira nga events.
Ha presente, ikaupat nga rank ha kalibutan hi Gauff, samtang hi Eala naman in ada ha No. 47.
Pero dida han nakalabay nga tuig, in napamatud-an hini nga dire imposible para kan Eala nga perdihon an mga “giants”, kaupod an nakakabilib nga daog niya kontra kan Iga Swiatek ha Miami Open.
