TACLOBAN CITY– Nagtutuo an buhatan hiton Comelec han Albuera Leyte, nga kanit ha piniliay an natabo nga panmusil kan Albuera Leyte Mayoral candidate Kerwin Espinosa ha Barangay Tinag-an Albuera Leyte.
Sumala kan Albuera Leyte, Election officer, Chester Cañas, ine nga angulo nga ira ginkikita in dire harayo matungod nga kandidato an biktima han panhitabo.
Dugang pa hine, dire mangud maikakalirong nga may kalabutan an piniliay matungod, nga mismo ha panga-ngampanya han nasabi nga Maryoral candidate natabo an panummusil.
Ginmatumat ni Cañas, nga an Albuera Leyte in ada ha yellow catergory ha tiarabot nga election.
Mababaruan nga 3 nga Mayoral Candidate nga nadalagan pagka-alkalde han Albuera Leyte.
Ginkakapausa la hine matungod nga mahimyang naman an nagin Covenant signing nga gindumara han mga kanidadto kasugbong an pira na mga PNP personnel han nakalabay nga adlaw, sanglit nga dire hira nagdadahom nga matatabo an nasabi nga krimen.
