Iginkokonsidera han aktres nga hi Nadia Montenegro nga usa nga regalo yana nga Women’s Month an iya kadaugan ha pagpapasaka hin kaso kontra ha security staff han senado.
Gin tugutan manggud han Pasay City Prosecutors’ Office an pagpapasaka hin kaso nga unjust vexation kontra ha security officer.
May paghisumpay an insidente dida han 2025 kun diin gin akusaran an aktres nga nagamit hin ilegal nga droga samtang nakadto ha sulod han kasilyas han Senado.
Ha resolusyon nga ginpagawas ni Senior Assistant City Prosecutor Ju-Haree De Tolentino in ginrerekomenda hini an pagpapasaka hin mga kaso nga unjust vexation case ngan violation of Republic Act 11313 o Safe Spaces Act kontra ha security officer han Senado.
Manunumduman nga dida han Agosto 12, 2025, in ginsita hiya han security officer ha Hallway han Senado mahuman nga gumamit han kasilyas kun diin ginbutong hiya ngan gin pakianhan kun gumamit ini hin marijuana.
Igin pakita han aktres an sulod han iya bag, magin an vape agud pamatud-an nga waray ini sulod nga ilegal nga droga.
Pero nagpasa la gihapon hin incident report an security officer kun diin nag-leak ini ngan nagsarang ha social media.
Mahitungod ha insidente, nagbul-iw an aktres ha pagigin staff ni Senator Robin Padilla.
