ODD NEWS – Duha nga high school students tikang ha Indonesia an nakaimbento hin kakaiba nga air freshener nga tikang ha baya hiton baka!
Nahimo nira Dwi Nailul Izzah ngan Rintya Aprianti Miki an kakaiba nga air freshener pinaagi han pagkuha han baya han baka nga iginhalo hira ha gata o tuno han lubi mahuman in ginpaagi ine ha usa nga proseso han distillation agud nga magin malimpyo.
Sumala ha duha , mahamot an ira gin himo nga air freshener ha kaluyo han kakaiba hine nga halo o kun ingredients .
Mababaruan nga masurong an ira air freshener ha merkado matungod nga ine in waray halo nga kemikal nga makakaguba ha kalikasan.
Matungod ha kakaiba nga ingredients nga ira ginamit in nagdaog an duha first prize ha ira ginbuligan nga science fair ha ira eskuwelahan.
Labot la hine in napili gehapon an duha kumo tinaglawas han Indonesia ha pagdudumaraon nga International Environment Project Olympiad race (INEPO) ha Istanbul.
