TACLOBAN CITY– Dead on arrival an usa nga AFP Member, samtang samaran naman an angkas hine, mahuman ine nga aksidente nga madisgrasya ha syudad hiton Tacloban.
Ginkilala an namatay kan alyas Aldrin, 27 anyos, AFP Member; samtang padayon naman yana nga gin tatambal ha hospital an iya backrider nga ginkilala kan alyas Joshua, 26 anyos, parehos mga residente han Samar.
Sumala kan PLTCOL. Allan Camasin, Information Officer, Tacloban City Police Office, nawarayan hin kontrol an ginmamanehuan han biktima rason han pagka disgrasya hine.
Dugang pa ni Camasin, nga subay pa ha ira gindumara nga imbestigasyon, nahibaruan nga nakapailarom ha makahurubog nga irimnon an biktima nga ginkikita naman nga rason, han ira ka-disgrasya.
Ha pagkayana, padayon pa an ginhihimo nga imbestigasyon han mga otoridad kasumapay ha nasabi nga panhitabo.
