NATIONAL–Ginkumpirma han Armed Forces of the Philippines (AFP) nga maiha na nira nga problema an pagkuha hin pira nga mga sundalo agud nga makigbisog ha iba nga nasud.
Ginmalatumat ni AFP spokesperson Colonel Francel Margareth Padilla nga hadto paman in mayada mga insidente nga kaparehos han nahitabo kan Raymond Gumangan.
Hi Gumangan in nadakop han Ukraine mahuman nga umupod pakig-asdangay ha mga Russian forces.
Pero, gineksplikar ni Gumangan nga anay security aide in gin-uwat hiya han recruiter ngan ginsaaran hin maupay nga trabaho.
Dugang naman ni Padilla nga ira ginbubuligan an mga retirado nga mga sundalo nga makabalhin ha sibilyan nga kinabuhi sugad han paghahatag hin training ngan livelihood program agud nga dire hira makuha kumo mercenaries ha iba nga nasud.
Mababaruan nga may pira nga mga retirado nga sundalo gihapon an ginkukuha para magin parte han private army ngan pira nga mga hitaas nga opisyal han nasud.
