TACLOBAN CITY– Gin-anunsyo han Advocates for Clean Election (ACE) nga kaparti hira han ginduduso nga adbokasiya nga magkamayda hin malimpyo, patas ngan tinuod nga piniliay yana nga tuig 2025.
Sumala kan Rev. Nathaniel Anas, Chairman Advocates for Clean Election, nga an ACE in ginpapangunahan hiton mga simbahan, kasugbong an pira nga mga sektor han parag-uma, urban poor, labor, kababayin-an, LGBTQ+ ngan mga youth organization.
Dugang pa hine, dire la ine an nagbubug-os han Advocates for Clean Election, kasugbong gihapon nira an mga former rebels nga nagbalik loob na ha gobyerno.
Tatagan hin panahon han nasabi nga organisasyon adton mga botante nga mga kabatna-unan, nga bag-o pala nagparehistro, nga igpahibaro ha mga ine kun pati-unano pumili, ngan magbotos hin insakto nga makakabulig ha gobyerno ngan ha pag-ursa han nasud Pilipinas.
Ha pagkayana, nakikipagsumpayan na hira ha Comelec, para ha ira adbokasiya yana nga piniliay.
