TACLOBAN CITY – Nakiusa han gindumara nga Eastern Visayas Regional Athletic Association (EVRAA) Meet 2025 an National Academy of Sports nga kun diin, panuyo nira in makabiling ngan makag-aghat hin mga student athletes nga interesado nga igpadayon ngan igpadukwag pa an ira naman sports.
Sumala kan Erika Chess Denora, Admission Officer han National Academy of Sports nga an mga estudyante in aada ha Junior ngan Senior High School level nga puruparehas la gihapon han regular and basic curriculum nga ginpapatuman han mga regular nga mga eskwelahan, an pinagkaiba la in mayda ini oras nga nakaalutaga para han training.
“Ang approach po namin sa NAS, is holistic po. Mayrong nag aalaga sa mga student athlete namin na mga coaches, teachers, and support services po namin tulad ng physical therapist, nurse, dorm parent na magsilbi pong mga magulang nila dun, then mga guidance councilor, meron din po kami dun.” yakan ni Denora.
Pagpatapod pa hini nga an mga kabataan nga kabulig han academy in talwas naman mahitungod nga diri dali-dali nga nakakagawas an mga ini ha sulod han Academy ha New Clark City, Capas, Tarlac labot la kun mayda guardian nga masundo ha iya.
Ha pagkayana in mayda na 227 nga mga estudyante an naka enroll nga kun diin, mayda hini 17 nga tikang naman Sinirangan Bisayas nga an kaurugan sports in badminton, taekwondo, ngan athletics.
Sumala naman kan Jhazelle Louise Limenzon, Head Coach han rhytmic gymnastics nga kaurugan han mga estudyante nga sumulod ha academy in an target in magin National Athlete, mairepresentar an nasud ha international Olympics ngan damo pa nga iba.
“Yung iba naman po is parang walang, o ito ang pinakamagandang opportunity na matuloy nila ang kanilang sports” yakan ni Limenzon.
An NAS in nahimugso kumo Government School ha ilarom han Republic Act No. 11470 nga an panuyo in “to implement a quality and enhanced secondary education program, integrated with a special curriculum on sports”
Nagbiling an mga ini hin mga incoming Grade 7 ngan Grade 8 nga an sports in swimming, athletics, badminton, rhytmic gymnast, Judo, Table Tennis, Taekwondo, ngan Weightlifting.
An lugar han academy in an ginbuhatan naman han South East Asian Games nga mayda magkadurudilain nga mga pasilidad han sports nga world-class an mga ini.
Libre naman an accomodations ngan pag eskwela ha academy pinaagi han Scholarship nga kun diin, an dorms han mga ini in maupay an katurugan, mayda aircon, nga baga-baga hin hotel an itsura in labi na nga gin gamit ini han mga atleta nga bumulig naman han SEA Games.
Labot la hini, in an scholars in mayda nakakarawat nga binulan nga stipend nga P3,000.00 ngan kun mayda gihapon bubuligan nga local ngan international competitions an atleta in sasaguton han NAS an gastos.
Gintagan pa hin duon nga an mga scholars nga student athlete in kinahanglanon nga mapabilin nga maupay an grado ha academics hini ngan pati gihapon ha sports.
“Kasi kapag po hindi niya maabot yung grades na yun, probation po siya for atleast 1 year po.” Dugang pa ni Denora.
Samtang, ginpasabot pa hini nga posible ha mga masunod nga mga panahon in mag abre na gihapon an iba pa nga sports in labi na an mga grupo grupo o team sports sugad han Basketball, Volleyball, Football ngan iba pa.
“Dapat po kayong mag enroll sa National Academy of Sports kasi this opportunity is once in a lifetime. Namention din po ni Coach Jhazelle na nung panahon niya, walang ganito, pero ngayon, meron na. Tapos libre pa po lahat. So ito na po ang chance ninyo para makapasok sa world class facilities which is yung National Academy of Sports.” Yakan ni Denora.
Para ha kadugangan nga impormasyon:
https://nas.edu.ph/nascentsas/
Official email address:
- nascentsas@deped.gov.ph
- nascentsas2025@gmail.com
Contact Numbers:
09913690667, 09189200415, 09765911252
