Ginpahimatngunan han Civil Aviation Authority of the Philippines an mga biyahero yana nga Undas nga mag-timprano pumakadto ha mga airport agud malikayan an bisan ano nga aberya.
Ha pagkayana, naka-alerto na an 44 nga commercial airports nga aada ha ilarum han pagmamangulo han CAAP ha bug-os nga Pilipinas, kumo preparasyon han yinukot-yukot nga biyahero nga ginlalauman nga mangungulpot ha mga airport.
Para ha mga masakay ha domestic flights, mas maupay sumala ha ahensya, nga umulpot ha airport hin duha ka-oras ugsa an nakatalaan nga biyahe, samtang para naman ha international flights, mas maupay kun tulo ka-oras ugsa an flight in maka-abot na ha airport.
Pahimatngun naman han ahensya ha mga biyahero, likayan nga magdara hin mga gamit nga posible magin rason ha pagka-delatar ha mga nakatalaan nga biyahe sugad han mga gindidire ha mga airport.
