Padayon nga ginpamatud-an han usa nga 98-anyos nga lola tikang ha Florida nga dire balaong an edad pag-abot ha paugnat-kusog mahuman nga utro sumabak ha dako nga billiards tournament ha Las Vegas.
Tuig-2021 han opisyal nga kilal-on han Guinness World Records hi Maggie Kennedy tikang ha Jensen Beach kumo pinakalagas nga competitive pool player ha kalibutan.
Makalabay an lima katuig, nagpapabilin nga ‘sharp’ ngan aktibo hi Kennedy. Kaupod an iya koponan nga gintatawag nga “Sunday Funday”, nakatalaan hiya mga magmulay ha prestihiyoso nga BCA Nationals Pool League Tournament.
Sumala pa kan Kennedy, magmumulay hira adlaw-adlaw, tikang Myerkules kutob Dominggo, ngan pag-intrimis pa hini ginpahayag niya nga labot ha billiards, handy o madali la kadtuan an slot machines ha Vegas.
Kumo suporrta, nagburublig an pool-playing community ha Raxx Billiards ha Stuart, Florida ngan nakatirok hin $2,000 (sobra P112,000) agud matagan hin Kennedy hin first-class flight tikadto ha Las Vegas.
Duro naman ini nga iginkakalas ngan iginkalipay han lagas. Iginbida gihapon hini nga an iya kusog in mahitungod ha maupay nga genetics han iya pamilya, ngan ha pagpadako nga igintutdo ha iya—magin buotan ngan malipayon ha kinabuhi.
