TACLOBAN CITY – Patay an usa nga pulis mahuman nga mapusil han drug suspek nga umato ha gindumara nga buy bust operation ha Brgy. 84 Cogon, San Jose, Tacloban City.
Nahibaruan nga patay gihapon an mao nga suspek ha gindumara nga operasyon han City Drug Enformcement Agency ngan Regional Drug Enforcement Unit.
Ginkilala an namatay pulis nga hi P/Corporal Arman Batukan.
Samtang an suspek naman hi Ralph Basiano, alyas Raprap, ada ha legal nga pangidaron ngan residente han mao nga lugar.
Sumala kan P/Capt. Marjorie Manuta, tagapagyakan han TCPO, nakatunog daw an suspek nga pulis an iya katransaksyon ngan dayon nga kumuha ngan nagpaboto han iya pusil.
Ha pagkayana in padayon pa naman an gindudumara nga imbestigasyon han mga otoridad kun pira ka sachet an nakuha tikang ha posesyon han suspek.
