TACLOBAN CITY – Maabot ha 63 nga mga displaced/disadvantaged workers ha pira nga barangay han Daram, Catbalogan ngan Zumarraga an nakatagamtam han Tulong Panghanapbuhay sa Ating Displaced/ Disadvantaged Workers Program (TUPAD) han DOLE.
Sumala kan Dicson Bernales, Member Education Division Supervisor SAMELCO II, nga an kada benepisyaryo in makakakarawat hin financial assistance subay ha DOLE-approved minimum wage ha rehiyon 8.
An TUPAD or Tulong Panghanapbuhay Program in usa nga programa han gobyerno nga maghahatag hin emergency employment para ha mga displaced or disadvantaged workers.
Dugang pa hini nga an pagpili han mga magigin benepisyaryo in pinaagi han pakipagkoordinar ha kada barangay kun hino gud an mas nanginginahanglan an mao nga ayuda.
