TOP STORY– Sumaka ha 6 an naitala nga namatay mahuman an paglasurbo han bagyong Uwan ha Pilipinas.
Subay ha datos tikang ha National Disaster Risk Reduction and Management Council (NDRMMC) ginkompirma han ahensiya nga an naitala nga ihap 3 dinhe in tikang ha Cagayan Valley ngan tag-usa naman ha Bicol, Western Visayas ngan Eastern Visayas.
Samtang maabot naman ha 13 katawo an nahereport nga nasamaran.
Kanit hine, sobra 2M naman nga indibidwal o 600,000 pamilya ha Ilocos Region, Cagayan Valley, Cordillera Administrative Region, Central Luzon, Metro Manila, CALABARZON MIMAROPA, Bicol, Western Visayas, Negros Island Region, Eastern Visayas, Zamboanga Peninsula, Northern Mindanao, Caraga, ngan ha Bangsamoro Autonomous Region in Muslim Mindanao, an nagin apektado han nasabi nga bagyo.
Pinaka damo nga ihap hiton naapektaran in naitala ha Bicol nga sumaka ha 1M ngan ginsundan ine han Negros Island Region ngan Eastern Visayas.
Para ha mga apektado nga pamilya sumaka ine ha 200,000 ngan nagpapabilin pa ha evacuation center samtang an sobra 78,000 pamilya in nakisirong ha ira mga pamilya.
Maabot naman ha 4,000 nga panimalay an naguba ngan ngan 700 naman an totally damage.
Ada naman ha 394 nga mga lugar an naka-abat hiton kawaray suplay han kuryente.
Subay ha nagin assestment han NDRRMC, nakapaghatag na an gobyerno hin P48 milyon nga bulig para ha mga biktima han bagyo.
via | Bombo Juvelyn Rancodo
