TACLOBAN CITY – Ginkikita nga solusyon han Department of Tourism-Eastern Visayas an 5A’s of Tourism agud mapakusog ngan maparibhon an turismo ha mga probinsya han rehiyon.
Sumala kan Department of Tourism-Eastern Visayas, Regional Director Karina Tiopes, an 5 A’s of Tourism an maupay nga solusyon han rehiyon agud dumamo an mga turista.
An 5A’s in amu an Access, Accomodation, Attractions, ngan Amenities.
Nagtutu-o naman hi Tiopes kun mas papaupayon pa an pag-atiman hine nga 5A’s in mas damo pa an mga turista nga mabisita ha rehiyon.
Dugang pa hine, an tourism industry in usa nga industriya nga pwede ha ngatanan kun diin pwede gihapon an pagpaka-buhi ha sulod mismo han industriya.
Samtang, nangunguna naman an probinsya han Leyte ha may pinakadamo nga turista nga nabisita ha rehiyon.
An probinsya naman han Biliran an mayda pinakahamubo nga ihap han mga turista nga nabisita. (via Bombo Niña Magpili)
