TACLOBAN CITY – Malipayon nga gin malatumat ha publiko han ahensya han PhilHealth nga may ada kabug-osan nga 54 ka-klase hin medisina an sakop han progma nga PHILHEALTH GAMOT nga puydi matagamtam han mga miyembro.
Sugad man an kada miyembro gihapon han PhilHealth in may-ada 20,000 annual benefit limit nga mga benepisyo pinaagi han prescribe medicines han mga doctor.
Sumala kan PhilHealth Regional Office 8 Public Relations Officer Mar Zabala, usa ha mga pinakadako nga gastos yana nga tuig han mao nga ahensya an mga medisina o maintenance drugs.
Pinaagi han mao nga programa in dako an maibubulig hini ha mga katawhan mahitungod nga kun nagkakasakit an mga ini in waray na pro-problemahon pag abot ha mga medisina basta prescribed medicine ini nga kaupod ha 54 nga mga medisina nga covered han PhilHealth.
Agud makatagamtam an mga miyembro hini nga programa in kinahanglan in mag-accredit an ahensya han PhilHealth ha mga pharmacies kun diin, sumala kan Zabala in on0going na yana an pakikipag himangraw nira ha mga chain pharmacies.
Samtang, gin aaghat naman ni Zabala an mga LGU’s nga waray dagko nga mga botika, nga an mga local pharmacies in mag apply for accreditation ha PhilHealth RO8 agud mas dumamo an mga parmasya nga akreditado han PhilHealth sugad man damo an makakadtuan han mga miyembro pag-avail han programa nga PhilHealth Gamot.
Via Bombo Nina Magpili
