TACLOBAN CITY– Ginkakalipay nga igpahibaro han City Health Office Tacloban City, nga naghatag hin 5 nga ambulance an Department of Health ha syudad han Tacloban para magamit han mga ine ha ira mga Health Centers.
Sumala kan Dra. Gloria Fabrigas, Officer In-charge City Health Office Tacloban City, nga an mga ine in kadugangan nga mga ambulance nga magagamit ha pagpadangat han madagmit nga serbisyo ha publiko ha oras hiton emergency.
An mga ine in Type 1 Ambulance tikang ha Department of Health nga gagamiton naman han mga District Health Centers han Abucay, Diit, San Jose, V&G, ngan Sagkahan.
Mababaruan, usa an Tacloban ha 25 nga mga local government units nga naka-karawat han buhatan hiton DOH han ira fully equipped Land Ambulance Units Health Facilities ha ilarom han Enhancement Program nga panuyo mapadagmit an health services ha Sinirangan Bisayas.
