TACLOBAN CITY- Nagpalunsad hin mandato an Department of Labor and Employment (DOLE) Regional Office 8 hin 5-minutes standing break ha mga empleyado ha ilarom han pribado na sektor kada paglabay han duha ka oras mahuman an maiha nga pagliningkuron.
Sumala kan Atty. Roy Buenafe, Assistant Regional Director han DOLE 8 nga ini nga memorandum in guinpalusad han department order 184 series of 2017 han DOLE agud makalikay ha kadelikaduhan an mga empleyado ha sakit nga highblood, heart disease, anxiety, diabetes, obesity ngan damo pa nga iba.
Dugang pa ni Atty. Buenanfe nga lakip ha makakatagamtam han 5- minutes break an mga empleyado nga
naatubang ha computer, administrative, driver, mekaniko, information technology, ngan ngatanan na trabaho nga nagliliningkuron la.
An kaparte han pamahayag ni Atty. Roy Buenafe, Assistant Regional Director han Department of Labor and Employment (DOLE) Regional Office 8
Samtang, guinklaro naman ni Buenafe nga waray pa hira makag survey ha bug-os nga Sinirangan Bisayas ha pagkayana mahitungod nga guinhatagan pa nira hin higayon an mga pribado nga sektor nga makapag-
implementar hini na kamanduan.
