TACLOBAN CITY– Maabot ha 46% na nga suplay hiton kuryente an naibalik ha Northern Samar mahuman an paglasurbo ni bagyong Kristine.
Sumala kan Northern Samar, Elecrtric Cooperative Chief Technical Service Division, Eric Fabroa Po, nga maabot na ha 147 nga mga barangay an naibalik na ha normal an suplay hiton kuryente.
Ginmalatumat hine nga an Catarman Northern Samar nga mayda pala 25 nga barangay an naibalik na an suplay hiton kuryente, Bobon Northern Samar 8, San Jose NS- 10, Rosario- 5, Mondragon Northern Samar- 5, San Roque Northern Samar-13,
Lope de Vega Northern Samar – 4, ngan Pambujan- 12 nga barangay.
Ha pagkayana, nagpapadayon an ira restoration partikular na ha mga tay-aw nga lugar ha Northern Samar, nga naapektaran an suplay hiton kuryente matungod han bagyong Kristine.
Ginpaangbit pa hine, nga kasagaran nga ira nahihibalag an mga tumba nga poste hiton kuryente, matungod han kakusog nga hangin nga dara kalain hiton panahon.
Ginbabana-bana naman han ira buhatan, nga mahuhuman nira an power restoration sunod nga semana ugsa mag petsa minatay.
