ODD NEWS– Importante an pagkakamayda hin sadang nga pagkaturog para ha aton panlawas. Pira ha mga benepisyo an makukuha han usa nga tawo tikang ha pagkakamayda hin sadang nga katurog, pira ha mga ine in an pagkakamayda hin makusog nga kasing-kasing, makusog nga immune system ngan pagkakamayda hin alerto nga panhuna-huna.
Pero kakaiba an nahitabo ha nasod China, tungod ha usa nga 46-anyos nga nanay ngadaw 40 katuig na dire nahihingaturog.
Ginkilala ine kan Li Zhanying, residente han probinsya hiton Henan.
Sumala kan Li, 6-anyos hiya han urhi niya maeksperyensyahan an pagkamyada hin normal nga pagkaturog o pagpahuway matungod nga han pag 7-anyos niya hangtod hapagkayana in dire daw hiya naabat hin piraw.
Saksi ha kondisyon ni Li an iya amyaw, sumala ha mga ine, pira ka beses na nira nga ginprobaran nga magminulay hin baraha ngan an tanan in naka-abat na hin piraw samtang hi Li in aktibo pa.
Sumala gihapon ha asawa hine, aktibo gihapon an iya misis ha gab-i pinaagi han panlilimpyo.
Pira na gihapon nga mga doktor an kumunsulta kan Li, pero waray an mga ine nakit-an nga kakaiba nga kondisyon.
Gintagan han mga doktor hin sleeping pills hi Li pero dire la gihapon ine naepekto
Mahuman nga maireport ha media an sitwasyon ni Li, usa nga grupo han mga eksperto an nagkamayda hin interes ha iya kondisyon.
Gumamit an mga ine hin advanced sensor para i-monitor an iya brainwave.
Dinhe na nahibaruan nga hi Li, in mayda kondisyon nga kun tawagon in “sleep when awake”. Ha simple nga eksplinasyon ine in usa nga klase han kondisyon kun diin hamabaw la an katurog han usa nga tawo ngan dire gihapon ine ginpipiyong an iya mga mata matungod nga nagpapabilin nga aktibo an ira mga nerves ngan organs.
