Usa nga 61-anyos nga lola tikang ha Alberta, Canada an utro nga nakaghipatik hin kakaiba nga achievement mahuman magpabilin ha plank position hin lima kaoras, mas hilaba ha dati niya nga Guinness World Record nga nahipatik hadton 2024.
Hi DonnaJean Wilde, usa nga retire teacher ngan lola han 12 nga apo, in ginbuhat an five-hour plank hadton Oktubre 6 ha Huntsman World Senior Games ha Utah, USA.
Kapot na ni Wilde an Guiness World Records title nga “longest time in an abdominal plank position (female)” mahuman hiya mag-plank hin 4 hours, 30 minutes, and 11 seconds hadton 2024.
Ha pinakaurhi nga attempt, umabot hiya ha eksakto lima kaoras ha atubangan han mga judge. Ginhuhulat pa niya an official verification han Guinness World Records.
An abdominal plank in usa nga cire exercise kun diin ginpapabilin nga tadong an labawas nga baga hin lamesa.
Subay ha Guinness rules, kinahanglan magpabilin nga nakadukot ha salog an kamot ngan tudlo ha tiil samtang an nasasalin nga parte han lawas in nakaigbaw ngan tadong ha bug-os nga attempt.
