TACLOBAN CITY — Samaran an driver ngan 3 nga pasahero han usa nga pampasahero nga van mahuman nga mabalikad ha Barangay Amambucale, Marabut Samar.
Sumala kan PSSgt. Joey Velasco, duty investigator han Marabut Police Station, nga biyahe tikang Borongan Samar pakadi ha Tacloban an mao nga van han tigda nala mawarayan hin kontrol an driver hini nga nagresulta han pagbaliktad han van.
Nag-angkon naman hin mga minor injuries an mga biktima ngan yana in ada na ha talwas nga mga kahimtang.
An pamahayag ni PSSgt. Joey Velasco, duty investigator han Marabut Police Station
Waray naman daw plano an mga biktima nga magpasaka hin kaso ala kontra ha driver han van nga hi Jersam Villanueva ngan nagka ariglo nala nga bayaran an tanan nga mga kagarastosan ha pagpatambal han mga nasamaran.
